ريوق بالمباركيه

يوم السبت الصبح

طلعنا انا وامي وخواتي وعيالهم

رحنا المباركيه تريقنا

الساعه 8 ونص

الجو مشمس بس الهوا بااارد

احلا مكان للي يحب التغيير عن المولات والمطاعم المسكره

ريوق بالهواء الطلق:)

جاي فحم - ومعاه علبة كرنيشن للي ما يحب الشاي الاسود

الحمص والفول والمسبحه والقدسيه

الخبز الايراني الحار

ضحكني اسم هالطبق ( بيض خصوصي)

احلا شي جبن وطماط وخيار وزيتون

وهناك يو الشباب اصحاب هالرابطه مع سياكلهم اشكالهم تونس

سفطوا سياكلهم ونزلوا للريوق

وهذا اسم المطعم اللي تريقنا فيه

بينك بيري وفوايد الروب

الروب الغذاء السحري

 

 

يقال بأن الروب -  الزبادي -  جاء أصلاً من تركيا
قال: "إكيبينشكوف" الحائز على جائزة نوبل للسلام:
إن الذين يعيشون فوق المائة عام هم من أكلة
الزبادي.

والروب عبارة عن لبن اختمر بفعل التفاعلات البكتيرية،

وعملية الاختمار هذه تفصل عنه الدهنيات،
والمواد الزلالية تتحول إلى مستحلب رطب سهل الهضم،
والسكر يتحول إلى حمض يشبه حمض اللبنيك.

يمكن احنا ما ناكل الروب بصفه يوميه 
لكن بكل طلعه وبكل مكان اشوف فيه بينك بيري لازم اشتري منه
وايد مفييييد للي فيهم قولون
وحتى الفواكه اللي يتم اختيارها تقريبا كلها مفيده للجسم والبشره

انشالله اللي ما يحبونه يقتنعون فيه ونشوفهم بالطابور يشترون :)


 

مع اجمل الذكريات

صور لبعض اغراضنا من اشياء استخدمناها بحياتنا او بالمدارس وتمثل اجمل الذكريات لفتره اول الثمانينات

هالثلاجه شفتها وانا اتمشى بالمدينه الترفيهيه :)
والعلامه اللي عليها حق كندادراي قبل نشتري منه سحاحير خصوصا كريم صودا - ليمه الحين اشتري منه بس علب

اتاري - احلا من السوني مالت هالايام

باص بو طابقين مثل ما كنا نسميه - اختفا من بعد الغزو

وبسكوت الطفوله

الفيديو العجيب

الكامره الاثريه

المسطره اللي عليها جدل الضرب - كانت تفنع بالوهقات :)

الارنب الجائع - خصوصا فرق كيفان والنطاطيه اللي كانت فيه

ووجبة سوبر بني

اللبن الخاثر شي اساسي وقت الغدا

اشوه موجود الكيك ليمه الحين ما انقرض

صديقتي الحلوه - سالي

وصديقي سندباد وربعه علاء الدين وعلي بابا وياسمينه

هايدي الجميله هايدي اللطيفه هايدي اليتيمه :)

المقلمه التراثيه

ريوقي بمطعم ايامي انا وصديقات ايام الثنويه

مطعم ايامي لبناني مغربي وكويتي

مكانه في مارينا كريسنت

تقييمي للمطعم 9 من 10 للاكل والنظافه
8 من 10 المكان
8 من 10 السيرفس


هذا ريوقي - كويتي
قرص عقيلي
وجاي حليب

وريوق رفيجاتي لبناني 

بيض بالخضار - عجه

وهذا الطبق الشهير عندهم اسمه طبليه